Des glaubst net

Wiener Mundart

Reihe: liter.at.urland, Bd.6

I hob scho wieda Gedichtln und
imma no sans zum Ohaun.
Jetzt muaß i a zweits Biachl mochn.
Des glaubst net!

Peter Tramontana, 1944-2012.
2004 gewann er das Landesfinale von Niederösterreich im Rahmen des Wettbewerbes „Literaten der Region", 2005 erschien im Weishaupt Verlag sein erstes Buch mit dem Titel „A blede Gschicht".

Alzheimer

Wonn i mei Tant siech, sogt's sofuat:
„Griaß di Gott! Kumm eine Kurt!"

Und es hot absolut kan Sinn
ia zum Erkären, wea i bin.
Oft sogt's zu mir: Herr Offizier,
donn mant's, i bin der Gaskassier,
monchmoi nennt's mi zärtlich Hansi
und frogt mi onschließend: „Wer san si?"

East unlängst hot's mi sehr verwehnt
und mia a Göld gebn, fufzig Cent!
So großzügig - des woas no nie
und donn hot's gsogt: „Der Rest für Sie!"

Amoi hots ma an Strohhuat brocht,
den soit i trogn - in dea Nocht
und wia i gsogt hob: „Des is peinlich!"
Hot's gmant: „Na, na, dea paßt da, Heinrich!

Und merk da guat, tua net die Oidn
olle fia gonz deppat hoidn!"
Donn huast i und sie schimpft: „Rachitler!"
Und wonn i fuatgeh, ruafts: „Heil Hitler!"